|
| 呢排忙到癲左, 覺得24小時係唔夠用囉, 好累好累............有d唔想繼續落去, 並唔係因為多野做, 而係d人唔係當初咁好, 感覺假假的, 可能係我聽片面之詞所以先咁覺得, 但係有d野其實自己都feel倒, 好唔想咁快到probation, 可唔可以再extend多3個月?? 16 JUN 2007 放工去左brian度睇佢個bb呀, 好得意呀, 細細粒, 不過我摸佢個頭俾同事們話囉, 其實我只係掂下佢d頭髮之嘛 =.= agnes個仔都好好玩呀, 原來細路仔都唔係咁討厭咋喎 | | |
| 好耐冇update過喇, 超懶 =.= 4/2開始返新工, 公司係金鐘, 一返到去同reception講話第一日上班, hr竟然係冇人通知過囉, 好無奈, 我坐左個幾鐘, 先至有個super帶我入去搵我個位, 後來先發覺原來呢間公司ge hr dept可以話係好廢的, 最大作用咪係update floor plan囉, 其他野都慢3拍咁, 我入黎成個wk先至叫我簽contract........... 不過呢度d同事都幾好, 都好nice, 所以個心都定d, 而且工作類型同以前差唔多, 都幾易上手, 唔駛ot添, 仲有apple & rain陪住呢, 所以返工都幾開心 不過開心ge日子只維持左2個wk, 有一個新同事加入, 佢真係極品, 我可以好肯定佢係唔識打字, 唔熟電腦, 所以佢黎左之後, 我就要ot喇, 好彩之後佢都開始上手, 我都冇咁辛苦, 而家開始spencer呢個客就peak喇, 聽leo講話上年ot得好犀利, 唔知今年係咩境況呢?? 不過我有信心一定可以應付倒, 替我加油啦~ 上個wk搵左adela, ling & man去食飯, 大家傾下自己近況, 開開心心又一晚, 遲d要搵埋anita & kam一齊食呀, yeah~ 發覺媽媽越來越唔明我 (其實佢幾時有明過我呢??) 有ot pay一定要ot ge咩?? 邊個話架?? 俾著係你日日都ot幾個鐘, 日日見住d同事同你講bye bye, 你會有咩感受?? 佢話我唔ot咁死蠢, 呢d係咩道理?? ot代表d乜先?? 成日圍繞住呢個問題真係覺得好煩囉, 好想有個大契做自己阿媽, 又明事理又玩得........ | | |
| 16 MAR 2007 約左janice同埋so chi食飯, 佢地竟然ban左我想食ge印尼餐廳, 最後決定去食pizza hut, 試埋最新那個三重芝心批, 都冇tv講那種效果ge, d芝士都冇必出黎, chur, 好似傳統批好d囉, 又冇咁硬, 果然係希望越大失望越大 成晚so chi都好多野講, 講佢奶奶又講佢公司, 有d人真係鬧佢先識乖, 唔鬧就當人地係病貓, 真係.........佢仲話成2個月冇買過衫, 唔係嘛, 忍倒手ge咩?? 原來結左婚係會改變哂一個人ge習慣, 諗諗下, 其實都唔係一件樂事, 仲要時時要應付奶奶, 少d energy都頂唔倒 食完飯行左一陣街, 之後因為甜品舖大排長龍, 所以大家都決定早d返家, 我同janice行去搭車途中, 突然的起心肝想搵ann, 想知佢而家ge近況, 於是打左俾佢, 佢係好愕然囉, 其實都好正常ge呢個反應, 因為大家都成2年冇contact, 連msn都冇, 好開心佢終於都搵倒野做, 不過感覺上佢變左好多, 同讀書ge佢完全唔同, 佢而家好想收埋自己咁, 究竟佢幾年前發生過咩事呢?? 真係好想了解清楚, 但係佢唔想講我地又冇理由追問佢, 始終佢都會有野唔想俾人知, 同埋都唔想一開始就問佢咁多野, 希望佢肯同我地keep返contact啦, 好想佢快d冇事 見倒ann咁樣真係有少少唔舒服, 佢唔應該係咁, 佢俾我ge感覺係好大家姐feel, 讀書個時係好有領導才能, 又肯分享自己野, 又照顧人, 我好記得佢一畢業就搵倒工, 而我仲係放緊最後一個暑假個陣, 突然有一日收倒佢寄俾我ge信, 入面夾左有好多份招聘剪報, 仲好鼓勵我快d搵工, 個一刻我真係feel倒佢ge關心, 之後大家周不時都會約出黎見面食飯, 但係佢開始有好多煩惱, 無論係工作定感情, 結果最後得倒2年前ge消息, 聽倒個一刻真係好shock, 冇諗過會發生係自己朋友身上, 之後我地都唔好意思再去搵佢, 2年黎大家都冇佢消息, 佢好似突然間係我地圈子消失左咁, 直至今晚我地碰運氣打去佢屋企嘗試搵佢先至叫做知道佢最新狀況 ann, 我想俾你知, 大家都仲好關心你的, 希望你會快d好返, 變回以前的ann | | |
| 15 MAR 2007 早上去左觀塘interview, 我沿住條街行左3次先搵倒幢大廈, 幾驚遲到呀, 好彩最後都趕得切 上到去就填app form, receptionist帶我入去辦房填, 點知佢要我除鞋, 我差d "下"左出聲, 第一次見工要除鞋囉, 好搞笑, 著佢地擺係辦房門口ge拖鞋 (好唔想著囉, 都唔知有咩人著過...........) 間辦房擺左好多杯杯碟碟, 有個架排左好多對拖鞋係度, 仲有毛巾, 呢間公司係做houseware的 等左一陣有個女仔入黎同我傾野, 介紹下佢公司咁, 我apply呢個post係出入口clerk, 基本上同馬仔做ge野係完全相反, 我諗我機會不大了 14 MAR 2007 今晚約左apple & ris食飯, book左泰屋 @ jordan, 叫左泰式拼盤, 青咖喱雞, naan (即係印度薄餅), 仲有2個白飯, d咖喱少少辣, 撈飯同埋naan好好食架, 拼盤入面個串燒都好食, 呢餐大家都好似好滿意呀 apple講阿基個fd d野個時笑到標眼水, 不過諗諗下, 30幾歲就有糖尿病, 個腎又有事, 隻眼又睇唔倒, 一隻腳又切左, 點頂呀, 仲要而家破埋產, 一個人可以衰運成咁, 我都係第一次聽 | | |
| 今日坐巴士返家, 隔離坐住一男一女, 後生仔女, 二人都不約而同將兩隻腳擺係佢地對面ge位度 (即係呢, d巴士咪有時d座位咪面對面ge, 即係有d人會坐對頭車個d) 而家d人有冇公民意識架, 自己對鞋底咁污糟, 踩落d座位度, 人地坐個時咪瀨哂野囉, 點解d人可以咁自私??? 雖然d污漬唔係肉眼睇得見個d咁嚴重, 但係呢d係好小ge事, 係咪要人開到聲叫你唔好做呢樣唔好做個樣呀?? 3歲細路哥咩而家?? 咁小ge事都冇意識, 好難想像10年後呢班人會變成點 | | |
|
