|
| 11 MAR 2007 好似好耐冇食泰國野, 又想試印度/尼野 (有咩分別呢??) 揭下d書搵食先 10 MAR 2007 今日去左搞回鄉咭, 原來我本回鄉証都已經過左期3年, 成本回鄉証淨係用過3次, 10年只係踏足過中國3次, 仲要都只係去深圳, 諗落都唔知申請黎做乜, 但証件呢d野點都要搞ge, 不過一張近乎冇乜用ge咭要硬性規定申請10年, $360就咁奉獻左俾國家 (應該唔係國家ge, 但係只限中國先可以用, 所以都歸納係國家啦) | | |
| 我覺得d人好麻煩, 問佢野永遠唔會有答案, 就算只係yes/no question, 都唔會答倒, 一味係度唔出聲, 要人又"矮"又"西", 咩事呀大佬, 妖~ | | |
| 今日放假, 剪髮去 (放唔放假都係死返去cwb) 去搭車個陣竟然撞倒phoebe, 佢原來又去見工, 而且已經見成左, 新年後真係轉工期, mlog人都要搵工啦, 雖然係被逼~ 黎左個新ge hair stylist, 好似田繼文, 佢幫我洗頭, 染頭, 捽到我個頭好痛呢 -_______- 剪左好多頭髮, 成個頭輕哂 新髮型, 新開始 | | |
| 28 FEB 2007 各位, 我已經搵倒工啦, 4/10正式上班, 仲有easter放, yeah~ 27 FEB 2007 終於都收大信封, 雖然都知道左幾個月, 但始終都係有d唔知點ge感覺, 條數計左我可以有成幾皮賠(無3不成幾, 自己計計啦), 都可以頂倒下ge 倒數30日, goodbye maersk 21 FEB 2007 今日kam帶埋個細女黎搵我地派利是, 仲請我地食lunch添, 多謝哂 全日都在睇youtube, search吳尊, 真係靚仔到死左 18-20 FEB 2007 豬年快樂!! 今年只是初一到左阿婆家拜年, 初二三都留左係屋企, wow, 屋企得返我一個, 正呀, 勁睇花樣, 好好笑, 但利是錢相對地少, 得個五六百蚊, 慘不忍睹, 我都已經駛哂咁滯 | | |
| 14 FEB 2007 情人節, 仲未駛關我事, 去做gym, 今日好努力呀, 做左2個鐘, 好似都唔係太累, 可能身體開始適應了 原本準備左朱古力ge, 但係都係冇guts送出, 唔好問我點解, 我會有好多藉口傾巢而出, 歸根究底都係唔敢, 呢方面我永遠都係最猶豫不決 13 FEB 2007 一早agent打黎話tst間公司想約今個fri 2nd in, 咁快ge?? 晚上約左grace, mandy, kiki, pauline & lobo食飯@觀塘, grace終於決定年初九走喇, 雖然大家都唔係成日keep contact, 但係我好鍾意佢的, 非一般的媽媽, 好好玩+好人, 第時skype啦大家, 順風呀 12 FEB 2007 約左9:15去灣仔見agent, 上到去傾左少少, 跟住就做一份卷, 全部都係shipping terms, 我9成都係唔識囉, 求求其其做完就走, 原來我呢2年係乜都冇學過, 係白過架, 超down 夜晚再見多份工@tst, 呢間野細細地, 傾左成個鐘, 終於都有返d正常少少ge公司, d人都幾nice咁, 不過佢話好少機會會學倒ops或者其他新野, 問我會唔會考慮, 如果唔ge話就無謂嘥大家時間喎, 我淨係可以答佢我絕對可以滿足佢公司ge要求, 因為我呢2年幾都係做呢類野, 雖然我個心都係想有d突破, 唔想成世都淨係做docs, 但冇理由咁快閂後門, 咪應承住話會考慮囉, oh god................ | | |
|
